Angeluak neurtzeko erabiltzen diren unitateak

Denok dakizuen bezala, antzekotasunean eta trigonometrian behin eta berriz azaltzen ari zaizkigu angeluak. Horregatik, angeluak neurtzeko unitateak azalduko ditugu, bat baino gehiago daude eta.

• GRADU HIRUROGEITARRAK: Guretzat unitate hau da ezagunena, orain arte berarekin jardun garelako eta berarekin jardungo dugulako gehienetan.

Ezaugarriak:

- Unitate honetan angelu zuzenak 90º ditu.

- 1º = 60´eta 1´= 60´´ Horrexegatik deitzen da "gradu hirurogeitarra".

- Kalkulagailuan unitate hau ezartzeko shift, set up eta DEG aukeratu behar dugu. Hori ondo eginez gero, pantailaren goialdean D batez adierazita egongo da.

• GRADU EHUNDARRAK: Hau ere angeluak neurtzeko unitate bat da, baina, ez da horren ezaguna oso gutxitan erabiltzen delako. Guk ere ez dugu ia erabiliko.

Ezaugarriak:

- Unitate honetan angelu zuzenak 100º ditu.

- 1º = 100´eta 1´=100´´ Horrexegatik deitzen da "gradu ehundarra".

- Kalkulagailuan unitate hau ezartzeko shift, set up eta GRA aukeratu behar dugu. Hori ondo eginez gero, pantailaren goialdean G batez adierazita egongo da.

• RADIANAK: Angelu unitate hau zirkunferentzietan angeluak neurtzeko erabiltzen da. Guk noizbehinka ere erabiliko ditugu.

Ezaugarriak:

- 360º = 2 x pi x rad  baita ere 180º = pi x rad (graduak "gradu hirurogeitarrean" daude)

- Kalkulagailuan unitate hau ezartzeko shift, set up eta RAD aukeratu behar dugu. Hori ondo eginez gero, pantailaren goialdean R batez adierazita egongo da.